Opedag 2026 — Musieksentrum
Die Musieksentrum bied 'n geleentheid vir ons Lardies om hul musikale talente te ontwikkel deur individuele en groep onderrig. Onderrig word gegee deur ervare en bekwame personeel wat kenners is in kinderopvoeding en musikale aspekte.
"Musiek spreek daar waar woorde tekort skiet." — Hans Christian Andersen
Musieklesse vorm nie net musikante nie, maar help om gebalanseerde, kreatiewe en selfversekerde jongmense te ontwikkel wat vaardighede aanleer wat hulle lewenslank sal bevoordeel:
Dissipline en deursettingsvermoë & selfvertroue
Verbeterde konsentrasie en geheue
Kreatiwiteit en selfuitdrukking
Emosionele ontwikkeling
Sosiale vaardighede en spanwerk
Fyn- en grootmotoriese ontwikkeling
Die Musieksentrum bied 'n verskeidenheid van instrumente aan vir leerders vanaf die ouderdom van 7 jaar wat hulself daarin wil bemagtig. Onderrig word gegee deur ervare en bekwame personeel wat kenners is in kinderopvoeding en musikale aspekte.
Vir meer inligting rondom lesse vir die ouderdom vanaf 7 jaar, vra gerus by die stalletjie of skakel Mnr Scobbie.
Vir Graad R-leerders bied die Musieksentrum op 'n weeklikse basis MUSIEKPRET-klassies aan by die Gr R-sentrum. Hierdie klassies is in groepsverband en daar word op 'n prettige manier vir kinders musiek aangeleer in verskeie vorme.
Taalontwikkeling: Liedjies, rympies en ritmes help kinders nuwe woorde aanleer, beter te luister en klanke te herken — belangrike grondslagvaardighede vir lees en spelling.
Konsentrasie en luistervaardighede: Kinders leer om instruksies te volg, op hul beurt te wag en aandagtig te luister na ritmes en klanke.
Groot- en fynmotoriese ontwikkeling: Dans, beweging en die gebruik van eenvoudige instrumente ontwikkel balans, koördinasie en spierbeheer.
Sosiale en emosionele ontwikkeling: Musiek gee kinders 'n veilige manier om emosies uit te druk, selfvertroue te ontwikkel en saam met ander te werk.
Kreatiwiteit en verbeelding: Musiekpret moedig kinders aan om nuwe bewegings, ritmes en liedjies te ontdek.
Akademiese grondslag: Ritme, tel, patrone en luistervaardighede ondersteun vroë wiskunde- en leesontwikkeling.
Plesier en selfvertroue: Wanneer 'n kind sukses ervaar in sang, beweging en deelname, groei hul selfbeeld en liefde vir leer.
Musiekpret-klasse is dus nie net "pret" nie — dit help om die jong kind holisties voor te berei vir formele leer én vir die lewe.
Vir enige navrae oor musiekonderrig kan jy kontak maak met:
Verken ons ander kategorieë om meer oor Laerskool Elarduspark te leer.