Toelatingskriteria
Die voornemende leerder moet Afrikaans, wat die skool se voertaal is, sodanig bemeester het dat sy/haar onderrig en opvoeding nie skade sal ly nie.
Onderneming deur die ouer
Ouers moet by die inskrywing van 'n leerder 'n vorm onderteken waarin u die volgende onderneem — Ek/ons aanvaar:
- Die etos van die skool;
- Die akademiese standaard wat gestel word;
- Die gesag en dissipline van die skoolhoof en onderwysers;
- Om toe te sien dat ons kinders in die erkende skooldrag geklee sal wees;
- Dat indien die bogenoemde onderneming nie gehandhaaf word nie, die leerder se voortgesette toelating tot Laerskool Elarduspark in heroorweging geneem sal word;
- Dat die skool skriftelik in kennis gestel sal word indien beeldmateriaal van die leerder nie gebruik mag word vir enige publikasie van die skool nie;
- Dat ek die skool sal inlig indien my kind nie waterveilig en swemvaardig is om op sy/haar eie of sonder hulp te swem nie.
Skoolure
Skooltoesig Maandag tot Vrydag: 06:30 ‐ 17:30
Akademiese Program
Graad R
08:00 ‐ 13:00
Akademie Gr R (Ma – Vr)
07:30 – 13:00
Graad 1 ‐ 3
Ma - Vry : 07:30 – 13:15
Graad 4 &n\dash; 7
Ma - Do: 07:30 ‐ 13:45; Vry: 07:30 - 13:15
Skoolgelde 2026
Graad R
2026 Graad R skoolgelde is R44 740-00 per leerder ‐ 1 Kurrikulumfooi + 10 maandelikse betalings (Feb-Nov).
Kurrikulumfooi 2026
R4 000,00
Skoolgeld per maand
R4 074,00
Graad 1 tot 7
2026 se skoolgelde is R31 750-00 per leerder — 1 Kurrikulumfooi + 10 maandelikse betalings (Feb-Nov).
Kurrikulumfooi 2026
R3 150,00
Skoolgeld per maand
R2 860,00
Sterrewag Naskoolsentrum
2026 se naskoolgelde is R16 285-00 per leerder — 1 Registrasiefooi + 11 maandelikse betalings (Jan-Nov).
Registrasiefooi 2026
R1 545,00
Naskoolgeld per maand
R1 340,00
Kurrikulumfooi 2027 (vooruitsig)
Die Kurrikulumfooi vir 2027 is reeds goedgekeur deur 'n kworum ouers op die Algemene Jaarvergadering van 2025. Hierdie bedrae is nie nou al betaalbaar nie. Meer inligting sal in September deur middel van 'n omsendskrywe aan alle ingeskrewe ouers deurgestuur word.
Graad R 2027
R4 350,00
Gr 1 ‐ 7 2027
R3 420,00
Sterrewag Naskool 2027
R1 676,00
Skool- en Naskoolgelde vir 2027 word tydens die Algemene Jaarvergadering wat op Maandag, 2 November 2026 gehou word, vasgestel.
Dissiplinêre Kode
Dissipline is van kardinale belang. Laerskool Elarduspark se gedragskode is opgeneem in die leerder-dagboek wat aan elke leerder beskikbaar gestel word. Vergewis uself asseblief daarvan.
Graad R Dissipline
Dissipline word deurentyd gehandhaaf in Graad R. Ons maak gebruik van 'n robotstelsel:
- Almal begin op groen en skuif a.g.v oortredings af na oranje of rooi.
- Gedurende Kwartaal 1 word leerders slegs gewaarsku of in "time-out" geplaas.
- Vanaf Kwartaal 2 word die robotstelsel steeds gebruik maar inskrywings word toegeken na 2 waarskuwings.
- Ouers word gekontak indien daar 'n dissipline-probleem is.
Graad 1 Dissipline
Tydens kwartaal 1 word dissipline hanteer op 'n stelsel waar die kind gewaarsku word en waar elke onderwyseres dissipline hanteer soos nodig. Indien daar 'n daadwerklike probleem is sal die ouers onmiddellik in kennis gestel word.
Vanaf kwartaal 2 word daar streng volgens die skool se gedragskode opgetree. Inskrywings word toegeken vir oortredings en detensie word as straf gegee.