Inligting oor Graad-R

• Skool open om 06:30.
• Onderrig van 08:00 – 13:00
• Middagpersoneel is van 13:30 – 17:30 op die terrein
• Oop gedurende die skoolvakansie: R35 per dag
• Gesluit gedurende die Desember vakansie.
• Skoolfonds bedrag sluit halfdag en voldag in.
• Etes: Oggend – 09:30 Bring eie gesonde kospakkie
  Middagete – 12:30 Gebalanseerde middagetes word voorsien en is ingesluit by die maandelikse skoolgelde.
  Laat middag – 14:30 Bring eie gesonde kospakkie.
• Die skoolgelde vir die volgende jaar word eers einde Oktober van die huidige jaar, tydens die Algemene Jaarvergadering vasgestel en sal daarna skriftelik gekommunikeer word.
• Verskeie buitemuurse aktiwiteite word vanaf Februarie by die Gr. R-sentrum aangebied.
  Tye: Tussen 10:00 en 11:00, en in die middae na skool vanaf 13:00. Betaling geskied direk aan die aktiwiteit organiseerder.

Daar wag ‘n opwindende reis vir elke Graad R leerder en ouer hier by Laerskool Elarduspark. Ons sien uit om hierdie nuwe pad saam met u te stap en gee graag die nodige inligting aan u deur.

Ons span toegewyde en entoesiastiese onderwyseresse bied u kind liefdevolle versorging en kwaliteit onderrig. Ons leer en lei u kind om sy/haar volle potensiaal te ontwikkel. Ons Graad R leerders word toegerus met die nodige kennis en vaardighede sodat hulle Graad 1 met selfvertroue kan aanpak.

Algemene Inligting oor Graad R
Graad R vorm deel van die Grondslagfase (Graad R – 3). Die Graad R-sentrum is oop gedurende skoolvakansies teen R35 per dag maar is gesluit gedurende die Desember skoolvakansie. Maandelikse skoolfonds sluit voldag met middagetes in. Neem asseblief kennis dat halfdag opsies nie moontlik is nie.

Etes
Leerders moet ontbyt by die huis eet. Oggend versnapperinge word geëet om 09:30 (ouers voorsien self).
Middagete is om 12:30 (gebalanseerde middagetes word deur die skool voorsien en is ingesluit by die maandelikse skoolfonds).
Laatmiddag versnapperinge om 14:30 (Leerders bring hulle eie kospakkie saam)

Graad R Kleredrag: (Beskikbaar by Lardie Klerewinkel in Versterstraat)
Maandag – Donderdag: Gewone klere
Vrydae:Graad R-hempie en KDA-broekie. In die winter word ‘n denim by die hempie gedra met ‘n ‘fleece’ baadjie.

Riglyne wat ‘n Graad R-leerder gaan bemeester
Die onderstaande inligting is slegs riglyne vir wat daar van ‘n Graad R-leerder verwag word om te kan doen.

Lewensvaardigheid

• Selfstandige optrede
• Goeie sosiale vaardighede
• Goeie algemene maniere
• Goeie persoonlike versorging

Taal

• Herken die letters van die alfabet
• Ouditiewe herkenning van begin- en eindklanke
• Kan verskille ouditief herken
• Kan vrae oor stories antwoord en stories oorvertel
• Praat in mooi vol sinne met genoegsame woordeskat
• Kweek ‘n liefde vir lees deur die aanhoor van stories

Wiskunde

• Ken mamma en pappa se selfoonnommer
• Ken eie adres en verjaarsdagdatum
• Herken syfers 1-10
• Kan + en – somme doen tot 10 met tellers
• Ruimtelike bewustheid (bo/onder, agter/voor, en middel)
• Ken al die kleure en vorms
• Leer om ‘n 35 – stuk legkaart te bou
• Begrip van tyd (gister, vandag en môre)
• Begrip van lengte, massa en volume
• Onderskei tussen voor-en agtergrond
• Kan ooreenkomste en verskille identifiseer
• Sortering en versameling van voorwerpe

Fynmotoriese ontwikkeling

• Korrekte potloodgreep
• Skryf eie naam
• Korrekte hantering van ‘n skêr
• Tussen lyne inkleur
• Skeur en plak
• Manipulering van klei

Grootmotoriese ontwikkeling

• Huppel, gallop, eenbeen spring en balanseer
• Oor en onder hindernisse beweeg
• Touspring
• Gooi, vang, skop en slaan van verskillende grootte balle
• Middellynkruising

Die mylpale hou verband met die kind se ontwikkeling op vier vlakke

• Sosiaal en emosioneel
• Perseptuele ontwikkeling
• Fisiese mylpale
• Intellektuele ontwikkeling

• 2 Buisies gom
• 1 Pakkie uitdraaikryte
• 1 Pakkie vetkryte
• 1 Pennesakkie
• 1 Stomppuntskêr
• 1 Houer handewasseep
• 1 Pak sneesdoekies
• 1 Flip File – 10 sakkies
• ‘n Houer Sonbrandroom
• 2 Witbordpenne
• Olie pastelle
• Inkleurboek
• Klein 50mm borduitveër
• Pak pleisters
• Merk alles asseblief afsonderlik.

Akademie
Die volgende vakke word onderrig in Graad R

• Afrikaans
• Wiskunde
• Lewensvaardigheid
• Robotika
• Skaak (addisioneel)

Akademiese vordering
Graad R-leerders ontvang aan die einde van elke kwartaal ‘n vorderingsverslag. Oueraande vind plaas in die tweede week van elke kwartaal.  Toetsing vir skoolgereedheid kan deur ‘n Arbeidsterapeut of Opvoedkundige Sielkundige gedoen word indien daar twyfel by die onderwyseres of by u as ouer is. Let wel, indien   ‘n leerder hul Graad R jaar moet herhaal moet hy/sy deur ‘n Opvoedkundige Sielkundige geassesseer word.