Deprecated: mysql_connect(): The mysql extension is deprecated and will be removed in the future: use mysqli or PDO instead in /home/lardiesc/public_html/include/db_connect.php on line 2
Uit die pen van die Hoof | Laerskool Elarduspark

Uit die pen van die Hoof

Pen van die Hoof 2 van 2019

Geagte ouers

Ons is reeds meer as ’n maand met onderrig en opvoeding besig en kom daar insidente voor waaroor ek ernstig met u moet gesels. Ek spreek dit juis op hierdie forum aan aangesien daar ouers is wat hulle nie aan ons versoeke steur nie. 

Parkering voor skoolhekke en binne die skoolterrein.

Ons parkering binne die skoolterrein is werklik beperk. Ter wille van verkeer beheer en die veiligheid van ons leerders versoek ons ouers om nie voor die hekke te parkeer nie.  Dit kom al hoe meer voor dat daar wel ouers is wat hulle nie aan die bogenoemde versoek steur nie en voor die hekke parkeer.

Die sekuriteitswag wat aangestel is vir toegangsbeheer doen net sy werk as hy u versoek om weg te skuif voor die hekke. Daar word daagliks gevalle rapporteer waar ouers voor die hek staan en hulle kinders aflaai. Sodra die sekuriteitswag u versoek om te skuif, word hy uitgekryt.  Sy opdrag vanaf die skoolbestuur is dat niemand voor die hekke mag parkeer nie en dat GEEN voertuig sonder ‘n skoolplakker die terrein mag binne ry sonder toestemming nie.  Hierdie besluit is geneem om verkeer in die oggende en smiddae so glad as moontlik te laat verloop maar ook dat  leerders wat die skool betree nie raak gery word nie. 

Indien u nie hiermee saamstem nie, is u meer as welkom om my daaroor te kom spreek.

Tot volgende keer

Toy Human