Ekspo

Wetenskap ekspo

In ons wetenskap/tegnologie- en wetenskapklas word daar gereeld van die leerders verwag om inligting van relatiewe onderwerpe te versamel en dan wetenskaplike afleidings en gevolge te maak en oor te dra. In hierdie geval bied ons by Laerskool Elarduspark vir die kinders die geleentheid om deel te neem aan ons jaarlikse wetenskap ekspo.

Die prosedure werk as volg:

1.    In Februarie is daar ‘n inligtingsvergadering waar alle ouers ingelig word ten opsigte van die verwagting rondom ekspo.

2.    In April word van elke kind van graad 4 tot graad 7 verwag om ‘n navorsingstaak in te handig en aan die klas te verduidelik. ‘n Gedeelte van die assessering wat in die klas gedoen word tel vir die kwartaalpunt.

3.    ‘n Aantal leerlinge word dan gekies om na die Junie Eksamen aan ons Interne Wetenskap Ekspo in die saal deel te neem. Hierdie is voorwaar ‘n spoggeleentheid. Goud, silwer en brons sertifikate word toegeken.

4.    Die doel van hierdie geleentheid is hoofsaaklik om take te kies wat gaan deelneem aan die Noord Gauteng Wetenskap ekspo wat in Augustus in die Rembrandtsaal by die LC deVilliers sportgronde van Tukkies plaasvind. Wat ‘n voorreg om op hierdie vlak teen ongeveer 700 ander kinders van regoor Noord Gauteng te kompeteer.  ESKOM tree op as borg en heelwat individuele pryse word toegeken.

Ons skool het 'n pragtige rekord van puik prestasies by Noord Gauteng.

 

Ons Noord Gauteng uitslae in 2015 was as volg :

Baie geluk aan die leerders wat deelgeneem het aan die Noord-Gauteng Wetenskap Ekspo.

Uitslae is soos volg

Goud
1.    Armand Cruywagen en Wernich Barkhuizen
2.    Anzelle van Beek
3.    Anireht Strydom

Silwer
1.    Wandré Gilfillan
2.    Christoff de Vries

Beste Soölogie taak / Dierkunde en Beker + R500: Wernich Barkhuizen en Armand Cruywagen.  Baie sterkte aan Wernich en Armand wat gedurende die Oktober vakansie gaan deelneem aan die Nasionale Ekspo.